A rocha que absorbe CO2

Nova enviada por: Frida (2º ESO)
Fonte: El Pais, 24/11/08

Unha rocha que pode eliminar o CO2 atmosférico? Parece que si. Aínda queda moito que estudar, pero pode ser que a peridotita do manto que aflora á superficie poda usarse como un sumidoiro de diósido de carbono. A peridotita transfórmase, en combinación co CO2 en rocha caliza. Así que inxectamos auga mariña con CO2 na rocha, o CO2 combina con ela e a auga de mar a alta temperatura sae a presión á superficie sen o CO2. Explicado así parece fácil.

Esta reacción é un proceso natural que mediante a tecnoloxía poderíamos acelerar para eliminar case un 14 % do CO2 que botamos a atmosfera.

Mirade o gráfico. E o texto o tedes na web de El Pais.



Grazas Frida.

Sobre fósiles, extincións e a Historia da Terra

Aquí vos enlazo varios vídeos sobre os fósiles, datación absoluta, idade da Terra, etc. Rebuscando en Yuotube podedes atopar máis. Estes son a miña selección:

1) "La edad de la Tierra: Geocronología". Sobre a idade da Terra, a datación absoluta, etc.



2) "Extinciones masivas". Sobre as diferentes causas das extincións e como afectaron á aparición de novas especies.



3) "La evolución de las especies". Primeira parte dunha serie espectacular ("Caminando entre monstruos") que amosa as especies prehistóricas reconstruídas.


4) "Planeta Tierra: la odisea de los orígenes". E este é o vídeo que vimos na aula (o primeiro corte) por se os de 4º ESO queredes repetir.



Espero que vos gusten... e que saquedes algo en claro. Enviade as vosas dúbidas aos comentarios.

Saúdos.

Unha explicación de como se rompeu Pangea

Pangea é o supercontinente que se formou hai 300 millóns de anos a consecuencia da deriva continental. Onte publicouse unha nova na que investigadores españois explican como se rompeu Pangea. A explicación é, cando menos curiosa.

Complementa os nosos coñecementos de tectónica de placas e deriva contintental (atención, 4º de ESO!)


Fonte: Público e FECYT