A rocha que absorbe CO2

Nova enviada por: Frida (2º ESO)
Fonte: El Pais, 24/11/08

Unha rocha que pode eliminar o CO2 atmosférico? Parece que si. Aínda queda moito que estudar, pero pode ser que a peridotita do manto que aflora á superficie poda usarse como un sumidoiro de diósido de carbono. A peridotita transfórmase, en combinación co CO2 en rocha caliza. Así que inxectamos auga mariña con CO2 na rocha, o CO2 combina con ela e a auga de mar a alta temperatura sae a presión á superficie sen o CO2. Explicado así parece fácil.

Esta reacción é un proceso natural que mediante a tecnoloxía poderíamos acelerar para eliminar case un 14 % do CO2 que botamos a atmosfera.

Mirade o gráfico. E o texto o tedes na web de El Pais.



Grazas Frida.

Unha explicación de como se rompeu Pangea

Pangea é o supercontinente que se formou hai 300 millóns de anos a consecuencia da deriva continental. Onte publicouse unha nova na que investigadores españois explican como se rompeu Pangea. A explicación é, cando menos curiosa.

Complementa os nosos coñecementos de tectónica de placas e deriva contintental (atención, 4º de ESO!)


Fonte: Público e FECYT

As placas litosféricas e as ondas sísimicas

Curso: 4º ESO
Tema1: Tectónica de placas

Aquí temos unha animación en flash na que nos amosan como se desplazan as placas da litosfera ata producir un terremoto. Fixádevos sobre todo as distintas formas nas que as placas interactúan entre elas.



Nesta outra web podedes comprobar como varían as velocidades das ondas sísmicas P e S segundo a capa da Terra que atravesen.

Sérvenos como repaso das características das ondas P e S e como se comporta cada capa da Terra ante unha onda lonxitudinal ou transversal.

A quen se atreva: (as respostas, nas páxina web citadas)

Cales son as 5 placas máis grandes?
Que tipos de ondas superficiais hai?
A que velocidade se desplaza unha onda S na corteza?

Tectónica de placas: Mapa conceptual (4º ESO)

4º ESO
Tema 1: Tectónica de placas
Mapa conceptual