Coñecendo máis o noso Sistema Solar

Novas aparecidas no xornal "El Mundo" (21/10/08)
Enviada por: Frida (2º ESO)
(Clicade nas imaxes para poder ler a noticia completa)

(Grazas Frida polo aporte

Ver os ribosomas

Noticia aparecida no xornal "El Mundo" (21/10/08)
Enviada por: Frida (2º ESO)
(Clicade na imaxe para poder ler a noticia completa)

Os ribosomas son os orgánulos celulares que sintetizan as proteínas. Por fin temos unha visión clara deles grazas a esta fotografía obtida por investigadores do CSIC (Consejo Superior de Investigaciones Científicas).

A enerxía e as súas formas

Aquí tedes unha moi boa web interactiva para comprender un pouquiño mellor os conceptos que vimos en clase: enerxía mecánica, cinética, potencial, transformacións da enerxía, etc.
Non vola perdades! Moi recomendada!


Un par de recomendacións:
1. De momento pasade directamente á páxina 9
2. Probade todas as animacións, especialmente as de enerxía cinética e potencial
3. No apartado de Documentos / Exercicios resueltos, os nº 4, 5 y 6 son como os que fixemos en clase e vos poden servir de reforzo.

Tema 2: A enerxía (2º ESO)

2º ESO
Tema 2: A enerxía
Mapa conceptual

Arquímedes e a coroa de ouro de Hierón

Nesta web podedes comprobar por vos mesmos o experimento que lle valeu a fama a Arquímedes: como descubríu que a coroa era falsa?

Tedes ademais outros experimentos que nos axudan a comprender os conceptos de masa, volume, densidade...

Hierón II, rei de Siracusa no século III a.C. e parente de Arquímedes, tiña suficiente confianza nel para suscitarlle problemas aparentemente imposibles. Certo orfebre fabricoulle unha coroa de ouro. O rei non estaba moi seguro de que o artesano obrase rectamente; podería terse gardado parte do ouro que lle entregaron e substituílo por prata ou cobre. Así que Hierón encargou a Arquímedes pescudar se a coroa era de ouro puro. Arquímedes non sabía que facer. O cobre e a prata eran máis lixeiros que o ouro. Se o orfebre engadise calquera destes metais á coroa, ocuparían un espazo maior que o dun peso equivalente de ouro. Coñecendo o espazo ocupado pola coroa (é dicir, o seu volume) podería contestar a Hierón, o que non sabía era como pescudar o volume da coroa. Arquímedes seguiu dando voltas ao problema nos baños públicos. De súpeto púxose en pé como impulsado por un resorte: deuse conta de que o seu corpo desprazaba auga fóra da bañera. O volume de auga desprazado tiña que ser igual ao volume do seu corpo. Para pescudar o volume de calquera cousa bastaba con medir o volume de auga que desprazaba. Arquímedes correu a casa, gritando unha e outra vez: "¡Atopeino, atopeino!". Encheu de auga un recipiente, meteu a coroa e mediu o volume de auga desprazada. Logo fixo o propio cun peso igual de ouro puro; o volume desprazado era menor. O ouro da coroa fora mesturado cun metal máis lixeiro, o cal dáballe un volume maior. O rei ordenou executar ao orfebre.

Tema 2: Propiedades da materia

1º ESO
Tema 2: Propiedades da materia
Mapa conceptual

Stellarium: planisferio celeste virtual

Para os que vos gustara o Stellarium (planisferio celeste virtual), aquí tedes a web na que podedes descargalo gratuitamente. Ademais é unha versión máis moderna. Déixovos unhas capturas de pantalla para animarvos a que o probedes.

Páxina principal en castelán
Descargar
Guía rápida de uso

Formato en 3D máis realista e actualizado

Buscador de obxectos e control máis exacto do tempo

Constelacións coas formas imaxinadas

A materia e as súas propiedades

Para repasar os conceptos da materia e as súas propiedades, esta web vaivos ser útil:

Probade a facer as actividades e mandade os vosos resultados.

A masa e o peso

Aquí tedes o vídeo grabado pola Nasa durante a misión Apolo 15 (1971). En ausencia de aire (e polo tanto de forza de rozamento) a velocidade de caída (a aceleración) da pluma e do martelo é a mesma.

Nesta web podedes atopar unha transcrición do diario de abordo da misión.
E nesta outra web de Malaciencia, unha explicación un pouco máis complexa.

Por curiosidade, calculade o voso peso nos planetas ou nalgunhas estrelas nesa web.

Historia dunha célula

Fantástica animación. Neste vídeo pódese ver a acción dun glóbulo branco do sangue dentro dun vaso sanguíneo. Logo atravesamos a membrana celular e vemos o interior da célula e como un microtúbulo "arrastra" un gran de lípidos (graxa). Logo vemos a superficie do núcleo e como "escapa" o ARN que forma colares. Os ribosomas (verdes) sintetizan proteina (amarelo) a partir da información do ARN. Máis tarde varias vesículas fusiónanse co aparato de Golgi (azul verdoso) e as proteina son expulsadas ao exterior da célula. O vídeo remata co glóbulo branco aplanándose para poder pasar entre dúas células do capilar.

Impresionante! Algo así debe ser o interior das células se o puidéramos ver en vivo e en directo.

A descrición completa do que se ve no vídeo a tedes aquí.

Aproveito para recomendarvos este blog: Ciencia y Lejos. Nos vos perdades as "frases de famosos"

O Universo un pouquiño máis claro

Co difícil que pode resultar entender como funciona o Universo, aquí tedes dous enlaces para intentar entendelo un pouco mellor:

A web astromia.com fai un resumo de un montón de temas relacionados co Universo, dende a súa orixe ata as estrelas, personaxes e incluso un Glosario de termos para entendelo todo. Non deixedes de visitala (por exemplo para ver como explican a orixe do Universo)


Nesta outra web poderedes ver unha animación sobre a evolución das estrelas e intentar responder a algunhas preguntas de avaliación.

Saúdos, e xa nos contaredes o que descubrides nestas páxinas.